• កសាងផែនការបណ្តុះបណ្តាលនិស្សិត សម្រាប់កម្រិតបរិញ្ញាបត្រជាន់ខ្ពស់ និងថ្នាក់បណ្ឌិតទៅតាមមុខជំនាញនីមួយៗ តាមការកំណត់របស់បណ្ឌិត្យសភានគរបាលកម្ពុជា និងក្រសួងមហាផ្ទៃ
• អនុវត្តផែនការបណ្តុះបណ្តាលរបស់បណ្ឌិត្យសភានគរបាលកម្ពុជា
• សិក្សាស្រាវជ្រាវធ្វើទំនើបកម្ម ខ្លឹមសារបង្ហាត់បង្រៀន កម្មវិធីសិក្សា
• រៀបចំប្រតិទិនសិក្សា កាលវិភាគសិក្សា និងតាមដានសម្របសម្រួលការបង្ហាត់បង្រៀន
• រៀបចំកិច្ចការប្រឡង និងវាយតម្លៃលទ្ធផលការសិក្សារបស់និស្សិត
• គ្រប់គ្រង និងណែនាំការសរសេររបាយការណ៍ស្រាវជ្រាវ សារណា និក្ខេបបទ
• រៀបចំ និងសម្របសម្រួលការប្រជុំរបស់ក្រុមប្រឹក្សាបណ្ឌិត្យវិទ្យាសាស្រ្ត
• ទំនាក់ទំនង សម្របសម្រួលជាមួយគ្រូនគរបាល និងសាស្រ្តាចារ្យតាម​មុខវិជ្ជានីមួយៗដើម្បីបង្ហាត់បង្រៀនតាមកម្មវិធីសិក្សា
• រៀបចំដំណើរការវាយតម្លៃរបាយការណ៍ស្រាវជ្រាវ សារណា និក្ខេបបទ និងការប្រឡងបញ្ចប់ការសិក្សារបស់និស្សិត
• គ្រប់គ្រងវគ្គសិក្សារបស់និស្សិត
• លើកយោបល់ជូនប្រធានបណ្ឌិត្យសភានគរបាលកម្ពុជា ក្នុងការអនុញ្ញាតច្បាប់   ផ្អាកបណ្តោះអាសន្ន ឬបញ្ឈប់ទាំងស្រុង ការសិក្សារបស់និស្សិត
• ធ្វើការងាររដ្ឋបាល បុគ្គលិក ភស្តុភារ គណនេយ្យ គ្រប់គ្រងចលនទ្រព្យ និងអចលនទ្រព្យរបស់វិទ្យាស្ថានក្រោយបរិញ្ញាបត្រ
• ធ្វើរបាយការណ៍បូកសរុបលទ្ធផលការងារ និងទិសដៅបន្តរបស់វិទ្យាស្ថាន តាមការកំណត់ជូនបណ្ឌិត្យសភានគរបាលកម្ពុជា
• ទទួលអនុវត្តភារកិច្ច និងសិទ្ធិផ្សេងៗទៀតដែលប្រធានបណ្ឌិត្យសភានគរបាលកម្ពុជាប្រគល់ឱ្យ។

វិទ្យាស្ថានក្រោយបរិញ្ញបត្រ ដឹកនាំដោយប្រធានមួយរូប និងមានអនុប្រធានមួយចំនួនតាមការកំណត់។

1. ការិយាល័យរដ្ឋបាល-សរុប
2. ការិយាល័យសិក្សាធិការ
3. ការិយាល័យផែនការ និងកម្មវិធីសិក្សា
4. ការិយាល័យគ្រប់គ្រងកិច្ចការស្រាវជ្រាវ