• កសាងផែនការបណ្ដុះបណ្ដាលមន្ដ្រីនគរបាលជាតិ លើជំនាញឯកទេសព័ត៌មានវិទ្យា និងភាសាបរទេសសម្រាប់កម្រិតបរិញ្ញាបត្ររង កម្រិតបរិញ្ញាបត្រ និងវគ្គសិក្សាខ្លីៗតាមការកំណត់របស់បណ្ឌិត្យសភានគរបាលកម្ពុជា និងក្រសួងមហាផ្ទៃ
• អនុវត្ដផែនការបណ្ដុះបណ្ដាលរបស់បណ្ឌិត្យសភានគរបាលកម្ពុជា
• សិក្សាស្រាវជ្រាវ និងធ្វើទំនើបកម្មខ្លឹមសារបង្ហាត់បង្រៀន កម្មវិធីសិក្សា​ កម្មវិធីបណ្ដុះបណ្ដាល និងកម្មសិក្សាប្រតិបត្ដិ
• រៀបចំប្រតិទិនសិក្សា ​កាលវិភាគសិក្សា និងតាមដានសម្របសម្រួលការបង្ហាត់បង្រៀន
• ទំនាក់ទំនង សម្របសម្រួលជាមួយគ្រូនគរបាល និងសាស្ដ្រាចារ្យតាមមុខវិជ្ជានីមួយៗ ដើម្បីបង្ហាត់បង្រៀនតាមកម្មវិធីសិក្សា
• លើកគម្រោងផែនការ ដើម្បីដឹកនាំសិក្ខាកាម និស្សិតចុះធ្វើកម្មសិក្សាប្រតិបត្ដិ
• រៀបចំកិច្ចការប្រឡង និងវាយតម្លៃលទ្ធផលនៃការសិក្សារបស់សិក្ខាកាម និស្សិត
• គ្រប់គ្រងការសិក្សារបស់សិក្ខាកាម និស្សិត
• លើកយោបល់ជូនប្រធានបណ្ឌិត្យសភានគរបាលកម្ពុជា ក្នុងការអនុញ្ញាតច្បាប់ ផ្អាកបណ្ដោះអាសន្ន ឬបញ្ឈប់ទាំងស្រុង ការសិក្សារបស់សិក្ខាកាម​ និស្សិត
• ធ្វើការងាររដ្ឋបាល​ បុគ្គលិក ភស្ដុភារ គណនេយ្យ គ្រប់គ្រងចលនទ្រព្យ អចលនទ្រព្យរបស់វិទ្យាស្ថាន ព័ត៌មានវិទ្យា​ និងភាសាបរទេស
• ធ្វើរបាយការណ៍បូកសរុបលទ្ធផលការងារ និងទិសដៅបន្ដរបស់វិទ្យាស្ថានព័ត៌មានវិទ្យា និងភាសាបរទេស​  តាមការកំណត់ជូនបណ្ឌិត្យសភានគរបាលកម្ពុជា
• ទទួលអនុវត្ដភារកិច្ច និងសិទ្ធិផ្សេងៗទៀតដែលប្រធានបណ្ឌិត្យសភានគរបាលកម្ពុជាប្រគល់ឱ្យ

វិទ្យាស្ថានព័ត៌មានវិទ្យា និងភាសាបរទេស ដឹកនាំដោយប្រធានមួយរូប និងមានអនុប្រធានមួយចំនួនតាមការកំណត់។

1. ការិយាល័យ រដ្ឋបាល-សរុប
2. ការិយាល័យគ្រប់គ្រងសម្ភារៈឧបទេស និងសោតទស្សន៍
3. ការិយាល័យផែនការ និងសិក្សាធិការ
4. ដេប៉ាតឺម៉ង់ ព័ត៌មានវិទ្យា
5. ដេប៉ាតឺម៉ង់ ភាសាអង់គ្លេស
6. ដេប៉ាតឺម៉ង់ ភាសាបារាំង