ថ្ងៃទី២៧ ខែកុម្ភៈ ឆ្នាំ២០១៩

ឯកឧត្តម នាយឧត្តមសេនីយ៍ សាស្ត្រាចារ្យ សេង ផល្លី ប្រធានបណ្ឌិត្យសភានគរបាលកម្ពុជា បានអញ្ចើញជាអធិបតីក្នុងពិធីបើកសន្និបាតបូកសរុបត្រួតពិនិត្យលទ្ធផលការងារប្រចាំឆ្នាំ២០១៨ និងលើកទិសដៅការងារបន្តសម្រាប់ឆ្នាំ២០១៩ របស់បណ្ឌិត្យសភានគរបាលកម្ពុជា ។

អង្គសន្និបាតបានធ្វើការបូកសរុបត្រួតពិនិត្យលទ្ធផលការងារប្រចាំឆ្នាំ២០១៨ និងបានវាយតម្លៃការអនុវត្តផែនការសកម្មភាពប្រចាំឆ្នាំ២០១៨ ព្រមទាំងលើកទិសដៅការងារសម្រាប់ឆ្នាំ២០១៩។ ក្នុងនោះដែរ អង្គសន្និបាត ក៏បានបែងចែកក្រុមពិភាក្សា និងឡើងធ្វើបទអន្ដរាគមន៍ ទាក់ទងនឹងប្រធានបទចំនួន ៥ គឺ៖

១. ការពង្រឹងសមត្ថភាព និងអភិវឌ្ឍស្ថាប័ន ។
២. ការអភិវឌ្ឍសមត្ថភាពសាស្ត្រាចារ្យ និងគ្រូនគរបាលជាតិ ដើម្បីឆ្លើយតបទៅនឹងវិធីសាស្ត្របង្ហាត់ បង្រៀនបែបទំនើបក្នុងសតវត្សទី២១ ។
៣. ការអភិវឌ្ឍកម្មវិធីអប់រំ ដើម្បីឆ្លើយតបទៅនឹងស្ដង់ដាជាតិ តំបន់ និងតម្រូវការអង្គភាពប្រើប្រាស់កងកម្លាំង ។
៤. គំនិតច្នៃប្រឌិត និងនវានុវត្តន៍ ដើម្បីអភិវឌ្ឍបណ្ឌិត្យសភានគរបាលកម្ពុជាប្រកបដោយនិរន្តរភាព។
៥. កាលានុវត្តភាពការងារស្រាវជ្រាវវិទ្យាស្ថាននគរបាល និងកិច្ចសហប្រតិបត្តិការអន្តរជាតិ ។