កម្មវិធីបណ្តុះបណ្តាលថ្នាក់បណ្ឌិតនៅបណ្ឌិត្យសភានគរបាលកម្ពុជា ចាប់ដំណើរការវគ្គសិក្សា ជំនាន់ទី១ក្នុងឆ្នាំ២០២០ ដែលមានឈ្មោះថា «សញ្ញាបត្របណ្ឌិតវិទ្យាសាស្ត្រនគរបាល» ជំនាញដឹកនាំបញ្ជាការងារសន្តិសុខ ឬភាសាអង់គ្លេស ហៅថា «Doctoral Degree of Police Science, major in Command in Security Affairs»។ វគ្គសិក្សាថ្នាក់បណ្ឌិតនេះ គឺជាកម្មវិធីសិក្សាពេញម៉ោង និងពហុជំនាញ ដោយផ្អែកលើការសិក្សាអំពីនយោបាយ សង្គមវិទ្យា ឧក្រិដ្ឋវិទ្យា និងសន្តិសុខ ហើយមានរយៈពេលសិក្សា៣ឆ្នាំ និងមិនឱ្យលើសពី៦ឆ្នាំ។ វគ្គសិក្សានេះ គឺជាការសិក្សាតាមប្រព័ន្ធក្រេឌីត ដែលមានចំនួនសរុប៦០ក្រេឌីត សមមូលនឹង១ ៨៤៥ម៉ោង។ ក្នុងនោះការសិក្សាលើ១១មុខវិជ្ជាស្មើនឹង២៧ក្រេឌីត ការធ្វើសិក្ខាសាលាផ្ទាល់ខ្លួន ការបោះពុម្ភឯកសារស្រាវជ្រាវថ្នាក់ជាតិឬអន្តរជាតិ ការស្រាវជ្រាវ សរសេរ និងការពារនិក្ខេបបទបញ្ចប់ ស្មើនឹង៣៣ក្រេឌីត។