នាព្រឹកថ្ងៃសុក្រ ទី២៧ ខែធ្នូ ឆ្នាំ២០២៤ ឯកឧត្តមអភិសន្តិបណ្ឌិត ស សុខាឧបនាយករដ្ឋមន្ត្រី រដ្ឋមន្ត្រីក្រសួងមហា​ផ្ទៃ និងជាប្រធានគណៈកម្មការប្រឡងប្រជែង បានអញ្ជើញជាអធិបតីដ៏ខ្ពង់ខ្ពស់កាត់បើកកញ្ចប់វិញ្ញាសា​ប្រឡង​​ប្រជែង​ជ្រើសរើសនិស្សិតនិងសិស្សនគរបាល​អាហារូបករណ៍ប្រចាំឆ្នាំ ឱ្យចូលសិក្សាថ្នាក់បរិញ្ញាបត្រ​វិទ្យាសាស្ត្រ​នគរបាលថ្នាក់សញ្ញាបត្រមធ្យមសិក្សាឯកទេសនគរបាល និងថ្នាក់វិញ្ញាបនបត្រជាន់ខ្ពស់ជំនាញ​នគរបាល ដែលដំណើរការប្រឡងប្រព្រឹត្តទៅរយៈពេល១ថ្ងៃពេញនៅបណ្ឌិត្យសភានគរបាលកម្ពុជា។